N cont de mé
Mi streda tla politica...
Stimeda zitadines y stimei zitadins,
son Ewald Moroder de Urtijëi. Dal 1995 incà feji politica tl Chemun de Urtijëi y dal 2005 al 2015 sons stat ambolt de mi Chemun.
Ei tëut la dezijion de candidé per la lista "für Südtirol mit Widmann", che se proa per na politica realistica y che ie dlongia ai zitadins.
Chëstes ne n'ie per mé nia mé paroles uetes, ma valores che fej pert de mi persona. Vosta minonghes, vosc festidesc y vosta speranzes ie scialdi mpurtantes per mé; scuté su y me purvé per nosta cumenanza fova y sarà for mi prim pensier.
Ie son un de vo y me mbince de dé plu forza y pëis a nosta cumenanza.
Vë prëi bel de vosc sustëni.
Deberieda pudons lauré per n Südtirol mo plu bel y sterch.
Mi vijions y fins
Nosta provinzia ie dan truepa ndesfidedes...
- Vita tl luech y dla lies "De manco burocrazia per nosta lies!" Vita tl luech y dla lies "De manco burocrazia per nosta lies!" I paejes ie l cuer y l'ana de nosta provinzia. I ie fac de cumunità y tradizion, de se n sté saurì y de solidarietà. De chësc vieres ie la lies essenzieles, les nes porta daujin un al auter, cëla sun nosta cultura y nosta segurëza. L ie nosc duvier les sustenì, smendrian i rëms burocratics. Mé nscila ti dajons forza y judon a fé plu atrativa l'atività dla lies.
- Stënta de cuatieres "N cuatier da paië per duc! N cuatier a priesc ne n'ie degun luxus, ma na rejon!" Per truep jëuni y truepa families de Südtirol iel deventà damat rie abiné n cuatier nia massa cër, sibe da fité che da cumpré. N cuatier ie mpurtant per se n sté saurì y cialé cun fidanza tl daunì y ne dëssa nia vester n sëmi o na funtana de cruzi. L ie gran ëura de svilupé normes y de miuré l sustëni per l frabiché alesirà, a na moda no mé de abiné n cuatier, ma nce che l sibe mesun de l paië.
-
Families
"Nosta families ie la fundamënta dl daunì – messon nvestì ncuei te ëiles."
La families jëunes ie una dla seves de nosta sozietà. L ie fundamentel ti judé n cont de si ulentà de tré su mutons. La và de arjonjer l drë recunescimënt per la pension dl tëmp dla educazion y de ngrandì l sustëni ai mutons (cëses di pitli, l'oma dl di, deplù posć tla menses).
Sustenì la families y dantaldut la umans ne n'ie nia mé n duvier, ma nce n nvestimënt per n bënsté tl daunì y n bon svilup dla cumenanza. - Sanità "Smendrì l tëmp da aspité sun vijites y sustëni particuler a nosc vedli." Nëus se purveron per na sanità de cualità y che vede plu debota, pensan dantaldut a nosta persones de età. Ëi ie la fundamënta de nosta sozietà y se à davanià tres si mpëni de vita n sustëni particuler. Perchël vala de ti miuré l sustëni, garantian i posć ti cunvic y dajan sustëni ala families che uel cialé a cësa sun si vedli.
- Economia, turims y defendura dl ambient "Mé sce economia, turism y defendura dl ambient culaburea possa Südtirol avëi n bon daunì." Per mantenì n Südtirol ulache n se stà bën iel debujën de n turism sterch y de na economia stabila. Bënsté y defendura dl ambient ne muessa nia se cumbater, ajache mé cun na economia sterscia iesen boni de defënder nosta natura de marueia y dla cunservé per la generazions che vën do.